انا كتبت الموضوع دة بمناسبة ظهور
الثــــــوم
اولا خدى النصيحة دى
أوعى تشترى الثوم الان لانه لسة طرى وفى ميه
أفضل وقت لشراء الثوم بعد شم النسيم مباشرة
حتى ولو سعره أرتفع عن الان علشان تستفيدى به اكتر
لانه حايكون نشف والشراشيب الخضراء مش حاتوزن معاكى
توجد ثلاث طرق لتخزين وحفظ الثوم اختارى الطريقة اللى تناسبك
الطريقة الاولى
وهى الفرم أو الهرس
ويعبأ فى برطمنات زجاج ويحفظ فى الفريزر
مع ترك فراغ فى البرطمان علشان مايفرقعش
وكمان ممكن تحطى الغطا بتاع البرطمان من غير ماتلفيه
وحطى البرطمان فى كيس نايلون لمدة يومين لغاية ماالثوم
ياخد وضعه فى البرطمان وبعد كدة شيلى الكيس واقفلى الغطا
عيوب هذه الطريقة
1 - فقد جزء من القيمة الغذائية للثوم
2 - بتخلى ريحة الفريزر كله ثـــــوم
الطريقة الثانية
تفككى راس الثوم وتحطيه فى برطمنات بنفس الطريقة السابقة
ولما تخرجيه حايتقشر معاكى بسهولة جدا حاسيبقى عامل زى
الترمس لما تيجى تقشريه شفتوا سهلة ازاى
الطريقة الثالثة
ودى أسهل الطرق وأنا باستخدمها
انك تحطى راس الثوم كما هى
بس المرة دى حاتحطيها فى كيس نايلون وفى الفريزر
ودة
بدل ماتعقدى تفصصى أو تفرمى
وتتعبى نفسك والنتيجة رووووووعة
والله العظيم حاترتاحى جدا وحاتقشرى الثوم
أسهل كمان من الترمس
حاتخرجى راس الثوم وتتركيها دقيقتين وتفصصيها بكل سهولة
وده شكله بعد ماتفصصى كأنه طازج
ميزة الطريقتين الثانية والثالثة
1 - الاحتفاظ بالقيمة الغذائية بالثوم
2 - مش حتلاقى ريحة فى الفريزير خالص
*********
يارب يكون الموضوع عجبكم
السبت 30 مارس 2013, 4:29 pm من طرف *princess
» حبوب التبييض حبوب التبييض
السبت 30 مارس 2013, 3:06 pm من طرف *princess
» كولكشن نصائح ذهبيه لعينين روعه , نصائح ذهبيه لعينين جذابه 2012 , مكياج 2012
الأربعاء 18 يوليو 2012, 9:28 am من طرف admin
» اهم نصائح لرموش روعه , احدث نصائح لرموش انيقه 2012 , مكياج 2012
الأربعاء 18 يوليو 2012, 9:23 am من طرف admin
» ميك اب جديد × جديد
الأربعاء 18 يوليو 2012, 9:22 am من طرف admin
» طلات الفنانة غادة عبد الرازق 2012
الأربعاء 18 يوليو 2012, 9:13 am من طرف admin
» ميك اب نعومة 2012
الأربعاء 18 يوليو 2012, 9:02 am من طرف admin
» ميك اب تحفة 2012
الأربعاء 18 يوليو 2012, 8:59 am من طرف admin
» تسريحات للعروس 2012
الأربعاء 18 يوليو 2012, 8:53 am من طرف admin